ٹورانٹو: لگ بھگ سترہ برس قبل نہر میں گرنے والی انگوٹھی مل گئی، کینیڈا کے صوبے برٹش کولمبیا کی ایک نہر میں غوطہ خور کو 17 سال قبل کھو جانے والی انگوٹھی مل گئی۔
میڈیا رپورٹس کے مطابق پینٹِکٹن پولیس کی جانب سے جاری بیان میں بتایا گیا کہ انگوٹھی پر دو نام اسٹیفنی اور نوئل کُند ہیں اور اس کے مالک کی تلاش جاری ہے۔
نوئل نائسین نے میڈیا سے گفتگو کرتے ہوئے کہا کہ یہ ان کی شادی کی انگوٹھی ہے جو17 سال قبل نہر میں گِر گئی تھی، وہ اور ان کے دوست پورا دن ساتھ تھے تاہم انگوٹھی کے کھو جانے کا واپس کار میں بیٹھنے تک علم نہیں تھا۔
انہوں نے کہا کہ انگوٹھی، جو ان کو ان کی شادی کی 20 ویں سالگرہ کے موقع پر واپس ملی ہے، ابھی تک صحیح حالت میں ہے۔
