دمشق: دمشق کے قریب اسرائیل کے میزائل حملے میں 4 فوجی زخمی ہوگئے۔
شام کی سرکاری نیوز ایجنسی صنعا کے مطابق اسرائیل کی جانب سے شام کے دارالحکومت دمشق کے قریب متعدد میزائل فائر کیے گئے تاہم شامی دفاعی نظام کے باعث متعدد میزائل اپنے ہدف پر پہنچنے سے پہلے فضا میں ہی تباہ ہوگئے، ایک میزائل ہدف کو نشانہ بنانے میں کامیاب ہوا جس کے باعث 4 فوجی زخمی ہوگئے اور دیگر املاک کو نقصان پہنچا تاہم کوئی جانی نقصان نہیں ہوا۔
دوسری طرف شام میں انسانی حقوق کے لیے سرگرم برطانوی گروپ کا کہنا ہے کہ میزائل حملوں کے دوران دمشق میں فوجی تنصیبات کو نشانہ بنایا گیا، تاہم بعد میں ایک بیان میں کہا گیا کہ حملے میں اسلحہ ڈپو تباہ ہوگیا، جس کا تعلق ایران سے تھا۔
