اسلام آباد: پاکستان میں سوا دو کروڑ سے زائد بچوں کے اسکول نہ جانے کا انکشاف ہوا ہے۔ وفاقی وزیر تعلیم رانا تنویر کا کہنا ہے کہ پاکستان میں اسکول نہ جانے والے بچے دنیا میں سب سے زیادہ ہیں۔
قومی اسمبلی میں پاکستان میں اسکول نہ جانے والے بچوں سے متعلق سوال کے جواب میں رانا تنویر نے بتایا کہ پاکستان میں 2 کروڑ 30 لاکھ بچے اسکول نہیں جاتے۔
وفاقی وزیر تعلیم رانا تنویر نے بتایا کہ پاکستان میں اسکول نہ جانے والے بچے دنیا میں سب سے زیادہ ہیں۔
رانا تنویر کا کہنا تھا 30 جون تک اسلام آباد میں اسکول سے باہر بچوں کی تعداد صفر پر لانے کا ہدف ہے۔
