اسلام آباد: پچھلے 24 گھنٹوں کے دوران ملک میں 2 ہزار 338 افراد کورونا وبا کا شکار ہوگئے۔
نیشنل کمانڈ اینڈ آپریشن سینٹر کی جانب سے جاری کردہ اعداد و شمار کے مطابق ملک میں گزشتہ 24 گھنٹوں کے دوران 2 ہزار338 افراد کورونا وبا شکارجب کہ 46 افراد جان کی بازی ہارگئے۔
پاکستان میں گزشتہ روز 42 ہزار 499 ٹیسٹ کیے گئے۔ ملک میں تاحال مجموعی کیسز کی تعداد 6 لاکھ 2 ہزار 536 جب کہ مجموعی طور پر 13 ہزار 476 افراد جان کی بازی ہار گئے۔
خیال رہے کہ گزشتہ چند دنوں سے ملک میں کورونا کیسز کی تعداد اور اس وبا کے باعث اموات میں تیزی سے اضافہ دیکھنے میں آرہا ہے۔ اس باعث صوبہ پنجاب میں ناصرف دو ہفتے کے لیے تعلیمی ادارے بند کیے گئے ہیں بلکہ اسمارٹ لاک ڈاؤن بھی نافذ کیا گیا ہے۔ کورونا سے بچاؤ کے لیے کچھ پابندیاں بھی عائد کی گئی ہیں۔
