کراچی: سندھ پولیس کے شہید افسر چوہدری اسلم کی بیوہ نورین اسلم دھرندر فلم کے فلم سازوں کے خلاف مقدمہ کا عندیہ دے دیا۔
نجی ٹی وی کو انٹرویو میں نورین اسلم نے کہا کہ اگر فلم میں ان کے شوہر کے کردار کو منفی دکھایا گیا تو فلم سازوں کے خلاف مقدمہ کروں گی۔
نورین اسلم نے اپنے شہید شوہر کو بہادر اور وطن کا سچا سپاہی قرار دیتے ہوئے کہا کہ جو کام چوہدری اسلم نے کیے، وہ آج تک کوئی پولیس افسر نہیں کرسکا، وہ کاالعدم دہشت گرد تنظیموں کو کھلے عام للکارتے تھے۔
واضح رہے دھرندر فلم دسمبر میں ریلیز کرنے کا اعلان کیا گیا ہے، جس میں سنجے دت سندھ پولیس کے شہید افسر چوہدری اسلم کے روپ میں نظر آئیں گے۔
اس فلم میں رنویر سنگھ بھارتی میجر موہت شرما جب کہ اکشے کھنہ رحمان ڈکیت کا کردار نبھارہے ہیں۔
