بیروت: شام کی ایک فوجی اکیڈمی پر ڈرون سے بمباری کی گئی ہے، جس میں 100 سے زائد افراد جاں بحق ہوگئے۔
غیر ملکی خبر رساں ایجنسی کے مطابق شام کے وزیر دفاع حملے سے کچھ دیر قبل ہی گریجویشن تقریب میں شرکت کے بعد اکیڈمی سے نکلے تھے۔
12 سالہ خانہ جنگی کے دوران یہ ڈرون حملہ سب سے مہلک ترین ہے اور اس میں شامی فوج کو نشانہ بنایا گیا ہے۔
شامی وزارت دفاع کے مطابق دہشت گردانہ حملے کیلئے ڈرون کا استعمال کیا گیا اور اس میں فوجی اور سویلین کی بڑی تعداد جان سے ہاتھ دھو بیٹھی ہے۔
فوجی اکیڈمی پر حملے کی ذمے داری اب تک کسی گروپ نے قبول کی اور نہ ہی حکومت کی طرف سے کسی کا نام لیا گیا ہے۔
