سوات: گزشتہ روز سوات میں ہونے والے دھماکے میں جاں بحق افراد کی تعداد 8 ہوگئی۔
پولیس کے مطابق جائے وقوعہ سے 3 افراد کی لاشیں آج صبح ملی ہیں۔
خیال رہے کہ گزشتہ روز سوات کے علاقے برہ بانڈئی میں ہونے والے ریموٹ کنٹرول بم دھماکے میں 2 اہلکاروں سمیت 5 افراد جاں بحق ہوئے تھے۔
جاں بحق ہونے والوں میں رکن امن کمیٹی ادریس خان بھی شامل تھے جب کہ زخمیوں کو طبی امداد کے لیے سیدو شریف اسپتال منتقل کر دیا گیا تھا۔
گزشتہ روز ہی خیبر پختونخوا کے ضلع کرم میں سرحد پار سے دہشت گردوں کی فائرنگ کے نتیجے میں پاک فوج کے 3 جوان شہید ہوئے تھے۔
