کراچی: پاکستان کرکٹ ٹیم کے سابق کپتان شاہد آفریدی نے جنوبی افریقا کے کرکٹ بورڈ کو تنقید کا نشانہ بناڈالا۔
ٹویٹر پر جاری بیان میں شاہد آفریدی نے جنوبی افریقا بورڈ کی طرف سے کھلاڑیوں کو آئی پی ایل کھیلنے کی اجازت دینے پر اعتراض اٹھایا۔
انہوں نے کہا کہ سیریز کے دوران کھلاڑیوں کو آئی پی ایل کھیلنے کی اجازت دینا حیران کن ہے، یہ افسوس ناک امر ہے کہ ٹی ٹوئنٹی لیگز انٹرنیشنل کرکٹ پر اثرانداز ہورہی ہیں۔
Surprising to see @OfficialCSA allowing players to travel for IPL in the middle of a series. It is sad to see T20 leagues influencing international cricket. Some rethinking needs to be done!! https://t.co/5McUzFuo8R
— Shahid Afridi (@SAfridiOfficial) April 7, 2021
سابق کپتان نے قومی ٹیم کو سیریز دو ایک سے جیتنے پر مبارک باد دی اور خاص طور پر فخر زمان اور بابر اعظم کی شان دار کارکردگی کی دل کھول کر تعریف بھی کی۔
واضح رہے کہ جنوبی افریقا اور پاکستان کرکٹ ٹیموں کے درمیان کھیلی گئی ون ڈے سیریز کے آخری مقابلے میں جنوبی افریقا کو اپنے 5 اہم کھلاڑیوں کی خدمات حاصل نہیں تھیں، وہ اس مقابلے سے قبل ہی بھارت آئی پی ایل کھیلنے چلے گئے تھے۔ یہی صورت حال ٹی ٹوئنٹی سیریز میں بھی درپیش ہوگی۔