لاہور: پنجاب حکومت نے شہباز شریف اور حمزہ شہباز کی پیرول میں ایک روز کی توسیع کردی۔
قومی اسمبلی میں قائد حزب اختلاف شہباز شریف اور حمزہ شہباز کی پیرول پر رہائی کی مدت آج ختم ہورہی تھی۔
مسلم لیگ (ن) کی جانب سے گزشتہ روز پنجاب کے محکمہ داخلہ کو ایک درخواست دی گئی تھی جس میں شہباز شریف اور حمزہ شہباز کی پیرول پر رہائی کی مدت میں توسیع کی درخواست کی گئی تھی۔
ذرائع کے مطابق وزیراعلیٰ پنجاب عثمان بزدار نے (ن) لیگ کی درخواست پر محکمہ داخلہ اور قانون سے مشاورت کی جس کے بعد دونوں کی پیرول پر رہائی کی مدت میں توسیع کا فیصلہ کیا گیا۔
وزیراعلیٰ پنجاب نے پیرول مدت میں ایک روز کی توسیع کی منظوری دی جس کی تصدیق معاون خصوصی فردوس عاشق اعوان نے کی۔