پاکستان کی امریکا کو زیرو ٹیرف دو طرفہ تجارتی معاہدے کی پیشکش
اسلام آباد: پاکستان کی جانب سے امریکا کو بغیر کسی تجارتی ٹیرف کے دو طرفہ تجارتی معاہدے کی پیشکش کردی گئی۔
حکومتی ذرائع کے مطابق، پاکستان نے تجویز دی ہے کہ دونوں ممالک باہمی دلچسپی کے تجارتی شعبوں پر زیرو ٹیرف کے تحت دوطرفہ معاہدہ کریں تاکہ دوطرفہ تجارت کو وسعت دی جاسکےـ
یہ اہم پیش رفت ایسے وقت میں سامنے آئی ہے جب گزشتہ دنوں پاکستان اور بھارت کے درمیان شدید کشیدگی کے بعد امریکی صدر ڈونلڈ ٹرمپ نے دونوں ممالک کے درمیان جنگ بندی کے معاہدے میں ثالثی کا کردار ادا کیا۔
جنگ بندی کے اعلان کے بعد صدر ٹرمپ نے دونوں ممالک کی قیادت کی تعریف کرتے ہوئے کہا تھا کہ وہ پاکستان اور بھارت دونوں کے ساتھ کافی زیادہ تجارت کریں گے۔
دھیان رہے کہ امریکی صدر ڈونلڈ ٹرمپ نے گزشتہ متعدد ممالک پر بھارتی جوابی ٹیرف عائد کیا تھا جس کے بعد دنیا بھر کی اسٹاک مارکیٹیوں میں افراتفری مچ گئی تھی۔
بعدازاں صدر ٹرمپ نے جوابی ٹیرف میں 90 روز کے وقفے کا اعلان کرتے ہوئے کہا تھا کہ کئی ممالک امریکا کے ساتھ مذاکرات پر راضی ہیں۔