واشنگٹن: امریکا میں نوبیاہتا جوڑا فوٹو شوٹ کے دوران سمندر میں ڈوب گیا، ریسکیو عملے کی کاوشوں سے جوڑے کو پانی سے بحفاظت باہر نکال لیا گیا۔
غیرملکی خبررساں ادارے کی رپورٹ کے مطابق امریکی ریاست کیلیفورنیا میں نئے شادی شدہ جوڑے نے ایڈونچر سے بھرپور اور یادگار فوٹوشوٹ کرنے کی کوشش کی جو انہیں مہنگا پڑگیا۔
رپورٹ کے مطابق جوڑا سمندری چٹان پر کھڑے ہوکر انوکھی پوز والی تصویر بنوانا چاہتا تھا لیکن اچانک تیز لہر انہیں بہا لے گئی، بعد ازاں ریسکیو عملے نے فوری آپریشن کرکے انہیں بحفاظت باہر نکال لیا۔
’لیگونا‘ نامی سندری ساحل پر امریکی جوڑا فوٹوگرافر کے ہمراہ فوٹ شوٹ کررہا تھا، اس حادثے میں دلہا دلہن کی حالت غیر ہوگئی اور جسم کے مختلف حصوں میں شدید چوٹیں بھی آئیں۔
محکمہ موسمیات نے رواں ہفتے تیزلہوں سے متعلق وارننگ بھی جاری کی تھی۔