کراچی: گزشتہ دنوں چنئی ٹیسٹ میں بھارت نے انگلستان کو شکست دی تھی، اس مقابلے کے لیے تیار کی گئی پچ کو بعض سابق انگلش کرکٹرز نے غیر معیاری قرار دیا تھا۔
اب انگلینڈ کے سابق کپتان مائیکل وان نے بھارت پر طنز کے لیے گوادر اسٹیڈیم کی تصویر شیئر کی ہے۔
سابق انگلش کپتان مائیکل وان نے ٹویٹ کیا کہ ’یہ بہت ہی حیران کن ہے، ایک بہترین تیار کی گئی پچ، پاکستان لکھنے کے ساتھ انہوں نے مذاق والے ایموجیز بھی لگائے۔
خیال رہے کہ مائیکل وان نے انگلینڈ اور بھارت کے درمیان دوسرے ٹیسٹ کیلیے تیار کی گئی چنئی کی وکٹ کو شدید تنقید کا نشانہ بناتے ہوئے طویل فارمیٹ کے مقابلے کے لیے ’ان فٹ‘ قرار دیا تھا۔
