کراچی کی لڑکی کا ہالی وُڈ تک جانا ناقابل تصور تھا، مہوش حیات

کراچی: عالمی شہرت یافتہ پاکستانی اداکارہ مہوش حیات کا کہنا ہے کہ پاکستانی فلموں میں خواتین کو مجبور اور کمزور دکھایا جاتا ہے۔
اداکارہ مہوش حیات نے دی مرزا ملک شو میں فواد خان کے ساتھ اپنے کام کے تجربات سمیت شوبز کیریئر کے مختلف پہلوؤں پر تبادلہ خیال کیا ہے۔
مہوش حیات کا ہالی وُڈ کے پروجیکٹ ’مس مارول‘ کے تجربات پر گفتگو کرتے ہوئے کہنا تھا کہ وہ ایک بہترین تجربہ تھا، ایک کراچی کی لڑکی کا ہالی وُڈ تک جانا میرے لیے ناقابل تصور تھا۔
انہوں نے بتایا کہ جب مجھے وہاں کردار کی پیشکش کی گئی تو بطور پاکستانی مجھے بہت خوشی ہوئی، یہ ایک بڑا اعزاز تھا۔
مہوش حیات نے بتایا کہ ’مس مارول‘ سے قبل میں نے فواد خان کے ساتھ کام نہیں کیا تھا اور ہمارے مداحوں کو جوڑی کی کیمسٹری بہت پسند آئی ہے۔
مہوش نے افسوس ظاہر کرتے ہوئے کہا کہ بدقسمتی سے ہماری فلموں میں خواتین کا کردار کمزور اور مجبور دکھایا جاتا ہے۔