جب پہلی بار ہراساں کیا گیا تو صبا قمر نے بچایا، مہربانو
![](https://urdu.voiceofsindh.com.pk/wp-content/uploads/2021/06/meher-bano.jpg)
کراچی: ٹی وی کی معروف اداکارہ اور ماڈل مہر بانو کا کہنا ہے کہ جب پہلی بار ہراساں کیا گیا تو انہیں صبا قمر نے بچایا تھا۔
مہر بانو نے ویب چینل کو انٹرویو میں سیٹ پر ہونے والی جنسی ہراسانی سے متعلق گفتگو کی اور دوران شوٹنگ ہراسانی کے تجربے پر بات کی۔
مہربانو نے بتایا کہ دوران شوٹنگ مجھے سیٹ پر مائیک والے کی جانب سے ہراساں کیا گیا، اُس وقت چونکہ کم عمر تھی لہٰذا نہیں سمجھ پارہی تھی کہ یہ کیا ہورہا ہے بس میں حیران تھی۔
انہوں نے کہا کہ صبا قمر بھی اس وقت سیٹ پر موجود تھیں، یہ بات صبا کو بتائی تو انہوں نے میرے لیے آواز اٹھائی اور اس مائیک والے کو شوٹنگ سے ہی نکلوادیا۔
View this post on Instagram
مہربانو نے کہا کہ مجھے یاد ہے یہ وہ واحد لمحہ تھا جب کسی ساتھی اداکار نے مجھے تحفظ دیا اور میرے لیے مضبوط اسٹینڈ لیا تھا، اس لمحے مجھے سمجھ آیا کہ مجھے شعور کی ضرورت ہے جس سے میں جان سکوں میرے ساتھ اور دوسروں کے ساتھ کیا ہورہا ہے تاکہ میں آواز اٹھاسکوں۔
مہر بانو کا بتانا تھا کہ اس واقعے کے بعد احساس ہوا آپ کسی بھی وقت کسی کے بھی ہاتھوں ہراسانی کا شکار ہوسکتے ہیں، اسی لیے خود کو مضبوط بنانا چاہیے اور اپنی آنکھیں کھلی رکھنی چاہئیں۔