کراچی: ٹی وی اور فلم کی نامور اداکارہ کبریٰ خان نے کہا ہے کہ لوگ ہمیشہ اداکاروں کو مذہب سے دُور سمجھتے ہیں۔
کبریٰ خان نے ایک انٹرویو میں کہا کہ میں 3 مرتبہ اعتکاف میں بیٹھ چکی ہوں۔ عمرے پر بھی گئی تو اس کی ویڈیو یا تصاویر میں نے سوشل میڈیا پر نہیں ڈالی تھیں۔ شوبز سے وابستہ افراد کو ہمیشہ مذہب سے دُور سمجھا جاتا ہے۔ اعتکاف سے باہر آئی تو کچھ لوگوں نے مبارک باد دی، تاہم کسی نے کہا کہ دیکھو اس نے نیل پالش لگائی ہوئی ہے۔
کبریٰ خان کا کہنا تھا کہ جب میں عمرے پر گئی تو شوبز کی ہی ایک خاتون نے کہا کہ کیسے کیسے لوگ عمرے پر جارہے ہیں۔ دوسرے لوگ ٹرول کریں تو پھر بھی سمجھ آتا ہے لیکن وہ خاتون خود اسی شعبے سے تعلق رکھتی ہیں اور پھر ایسی بات کہی۔ عمرے پر تو اللہ تعالیٰ بلاتے ہیں۔ اگر میں 5 وقت نماز پڑھتی ہوں تو اللہ تعالیٰ مجھے یہ توفیق دیتے ہیں۔
انہوں نے کہا کہ میں نے اب تک جو بھی کام کیا اور جتنی مجھے لوگوں سے محبت ملی، یہ سب اللہ تعالیٰ کا کرم اور اس کی مہربانی سے ہوا ہے۔
