کراچی: لیجنڈ بیٹسمین اور سابق قومی کپتان جاوید میانداد نے کہا ہے کہ بھارت کے خلاف سچائی بیان کرنے پر میرا ٹویٹر اکاؤنٹ بند کردیا گیا۔
اپنے دور کے عظیم بیٹسمین جاوید میانداد نے نجی ٹی وی سے گفتگو کرتے ہوئے کہا کہ مجھے پتا چلا ہے کہ ٹویٹر نے میرا اکاؤنٹ بند کردیا، لگتا ہے کہ ایسا بھارت کے خلاف سچائی بیان کرنے پر کیا گیا، میں اپنے ملک سے پیار کرتا ہوں، کوئی بھی پابندی مجھے سچ اور حق گوئی سے نہیں روک سکتی۔
انہوں نے کہا کہ میں نے ہمیشہ سچ بیان کیا ہے اور آئندہ بھی حق اور سچائی پر ڈٹا رہوں گا، اگر سماجی رابطے کے ذریعہ ٹویٹر نے میرا اکاؤنٹ بند کردیا ہے تو اس سے مجھے کوئی فرق نہیں پڑتا۔
