لاہور: گزشتہ روز ڈاکٹر فردوس عاشق اعوان اور پی پی کے قادر مندوخیل کے درمیان ہونے والے تنازع کے حوالے سے وزیراعلیٰ پنجاب کی معاون خصوصی کا بیان سامنے آیا ہے۔
جس میں ڈاکٹر فردوس عاشق اعوان کا کہنا ہے کہ نجی چینل کے ٹاک شو میں قادر مندوخیل سے بحث کا صرف ایک رخ دکھایا جارہا ہے۔
ٹویٹر پر جاری بیان میں انہوں نے کہا کہ قادر مندوخیل نے غلیظ زبان استعمال کی تھی جسے ویڈیو کا حصہ نہ بناکر یک طرفہ پروپیگنڈا کیا جارہا ہے۔
ٹاک شو کے دوران پیپلزپارٹی کے قادر مندوخیل کی جانب دھمکیاں دی گئیں۔ قادر مندوخیل نے بدزبانی اور بدکلامی کرتے ہوئے میرے مرحوم والد اور مجھے گالیاں دیں۔ اپنے دفاع میں مجھے انتہائی قدم اٹھانا پڑا! قانونی ٹیم سے مشاورت کےبعد قادر مندوخیل کےخلاف قانونی چارہ جوئی کی جائیگی۔ pic.twitter.com/7AbDNMaHV0
— Dr. Firdous Ashiq Awan (@Dr_FirdousPTI) June 9, 2021
ڈاکٹر فردوس عاشق نے دعویٰ کیا کہ مندوخیل نے ناصرف انہیں بلکہ ان کے والد کو گالیاں دی تھیں، ایسے بدتہذیب سیاست اور معاشرے کے چہرے پر بدنما دھبے ہیں، قادر مندوخیل کے رویے اور عمل کے خلاف جلد قانونی چارہ جوئی کی جائے گی۔
فردوس عاشق نے نجی چینل سے درخواست کی کہ معاملے کی مکمل ویڈیو سامنے لائے۔