کراچی: اداکارہ نوال سعید نے ساتھی اداکاراؤں کے ساتھ کام کرنے کے تجربے کو بُرا قرار دے دیا۔
اداکارہ نوال سعید کا نجی چینل کے پروگرام میں گفتگو کرتے ہوئے کہنا تھا کہ مرد اداکار خواتین کے مقابلے میں مجموعی طور پر زیادہ تعاون کرنے والے اور خوش اخلاق ہوتے ہیں۔
انہوں نے کہا کہ کچھ خواتین اداکاراؤں کے ساتھ کام کرنے کا تجربہ بُرا رہا۔ شوبز میں کام شروع کیا تو متعدد تلخ تجربات بھی ہوئے۔ مجھے بتایا گیا کہ چند اداکاراؤں نے ڈرامے کی کاسٹ سے مجھے نکال کر کسی اور کو لینے کا مشورہ دیا۔ یہ سب پیشہ ورانہ حسد میں کیا جاتا ہے۔ ایک اداکارہ نے تو میک اپ آرٹسٹ سے یہ تک پوچھ لیا کہ کیا میں وگ لگاتی ہوں۔
نوال سعید کا مزید کہنا تھا کہ انٹرٹیمنٹ انڈسٹری میں چیلنجز کا سامنا کرنے کے باوجود ہمت نہیں ہاری اور خود کو بطور آرٹسٹ اور انسان بہتر بنانے کے لیے کوشش کی اور کچھ نئے پروجیکٹس میں مثبت ماحول ملا۔
