امریکا: درجنوں گھروں میں تباہی مچانے والا بدمعاش ریچھ پکڑا گیا

کیلیفورنیا: 28 گھروں میں گھس کر تباہی مچانے والا اور کل 152 مرتبہ غصیلا رویہ دکھانے والا دیوہیکل ریچھ آخرکار گرفت میں آگیا اور اب اسے ریچھوں کی ایک پناہ گاہ میں منتقل کردیا گیا ہے۔
کیلیفورنیا کے قریب واقع جھیل ٹیہوو کے اطراف پھرنے والے اس ریچھ نے سب سے پہلے فروری 2022 میں واردات کی ہے۔ اپنی جسامت کی بنا پر اسے ہینک دی ٹینک کا نام دیا گیا تھا۔ یہاں تک کہ لوگوں نے اس سے وابستہ تصاویر اور ویڈیو شیئر کی ہیں۔
پہلے خیال تھا کہ یہ ایک نر ریچھ ہے لیکن ڈی این اے ٹیسٹ کے بعد معلوم ہوا ہے کہ حقیقت میں یہ ایک ریچھنی ہے جسے 64 ایف کا نام دیا گیا ہے۔ یہ ریچھنی 21 گھروں پردھاوا بول چکی ہے۔ وہ اپنے تین بچوں کے ساتھ جارہی تھی کہ اسے گرفتار کیا گیا۔
ریچھنی نے واٹر فرنٹ کمیونٹی کے افراد پر خوف طاری کر رکھا تھا، تاہم ریچھنی اور اس کے تین بچوں کو کولاراڈو کی ایک حیواناتی تحفظ گاہ میں رکھا گیا ہے، جہاں اس کا رویہ بدلنے کی بھی کوشش کی جائے گی۔
اگرچہ ریچھ مچھلیاں، شہد، کیڑے مکوڑے اور گھاس پھونس کھالیتے ہیں لیکن عجیب بات یہ کہ اسی ریچھنی کے ایک ساتھی نے ایک جگہ سے آئس کریم کی دو گیلن مقدار بھی ہڑپ کرلی تھی۔