کراچی: وفاقی حکومت نے کراچی کو فراہم کی جانے والی بجلی میں اضافے کا فیصلہ کرلیا۔
سیکریٹری پاور ڈویژن نے قائمہ کمیٹی اجلاس کے دوران بتایا کہ وفاق کی جانب سے کراچی کو ملنے والی بجلی میں اضافہ ہوگا۔
سیکریٹری پاور ڈویژن نے کمیٹی کو بتایا کہ وفاق کی جانب سے کراچی کو 900 کے بجائے 1600 میگاواٹ بجلی فراہم کی جائے گی۔
خیال رہے کہ کراچی میں شدید گرمی کے باوجود کے الیکٹرک کی جانب سے غیر اعلانیہ لوڈشیڈنگ معمول بن چکی ہے۔