لاہور: خاتون اول بشریٰ بی بی نے پنجاب انسٹی ٹیوٹ آف مینٹل ہیلتھ کا دورہ کیا اور وہاں مریضوں کے لیے سہولتوں کا جائزہ لیا۔
سرکاری ٹی وی کے مطابق وزیراعظم عمران خان کی اہلیہ بشریٰ بی بی نے لاہور میں پنجاب انسٹی ٹیوٹ آف مینٹل ہیلتھ کا دورہ کیا ہے، اس موقع پر انہوں نے اسپتال کے مختلف شعبوں کا دورہ کیا اور سہولتوں پر بریفنگ لی۔ بشریٰ بی بی نے انتظامیہ سے اسپتال کی مزید بہتری کے لیے پلان بھی طلب کرلیا۔
خیال رہے کہ خاتون اول بشریٰ بی بی عام طور پر کسی سرکاری پروٹوکول کے بغیر عوامی مقامات کے دورے کرتی ہیں، اس سے قبل وہ داتا دربار، دارالشفقت، فاؤنٹین ہاؤس اور دیگر مقامات کا دورہ بھی کرچکی ہیں۔