کورونا نے جہاں زندگی کے ہر شعبہ کو متاثر کیا، وہیں تعلیم کے شعبے پر بھی گہرے اثرات مرتب کیے، تقریباً چار ماہ سے تعلیمی ادارے بند ہیں اور تحقیقی و تدریسی سرگرمیاں معطل ہیں۔
اس صورت حال کے پیش نظر ہاٸر ایجوکیشن کمیشن کی ہدایات کے پیش نظر وفاقی جامعہ اردو کے واٸس چانسلر پروفیسر ڈاکٹر عارف زبیر اور رجسٹرار جناب ڈاکٹر ساجد جہانگیر نے آن لاٸن تدریس کے حوالے سے ڈاٸریکٹر کیو ای سی ڈاکٹر اختر رضا کی سربراہی میں پانچ رکنی کمیٹی تشکیل دی۔
کمیٹی میں ڈاکٹر کامران احسن ڈاٸریکٹر آٸی ٹی، ڈاکٹر شبر رضا( شعبہ فزکس) اور اسلام آباد کیمپس سے ڈاکٹر خالد خان اور ڈاکٹر عبدالمتین شامل تھے۔ کمیٹی کی ذمے داریوں میں جامعہ کے لئے دو اہم سوفٹ وٸیرز کی تیاری اور نافذ تھا، کمیٹی کی بھرپور مشاورت اور ڈیپارٹمنٹ آف انفارمیشن ٹیکنالوجی کی انتھک محنت سے جامعہ اردو کا پہلا لرننگ مینجمنٹ سسٹم LMS تیار کرلیا گیا۔
اس کی تیاری کے ساتھ ہی جامعہ اردو کے اساتذہ کے لٸے تربیتی پروگرامز کا آغاز کیا گیا، ان تربیتی ورک شاپس میں اساتذہ کو آن لاٸن تدریس کی تربیت دی گٸی۔
پہلی تربیتی ورکشاپ ١٣ مٸی ٢٠٢٠ بروز بدھ ZOOM پر منعقد کی گئی، جس میں گلشن کمپس کے 120 اساتذہ نے آن لاٸن شرکت کی، عبدالحق اور اسلام اباد کیمپس کے اساتذہ کے لٸے تربیتی پروگرام 16 مٸی بروز ہفتہ منعقد کیا گیا، جس میں تقریباً ایک سو اسی ١٨٠ اساتذہ نے آن لاٸن شرکت کی۔
آن لاٸن کلاسوں کے آغاز کے لٸے تمام شعبہ جات کے صدور کی نگرانی میں تین رکنی ڈیپارٹمنٹل ٹیمز تشکیل دی گٸی ہیں، جس کی تربیت کے لٸے ورکشاپس کا انعقاد شعبہ آٸی ۔ٹی کے زیر انتظام 18 اور 19 مٸی کو کیا گیا، جامعہ اردو میں آن لاٸن کلاسز کا اغاز عید کے فوراً بعد شروع کردیا جاٸے گا۔
