بیجنگ: چین نے دنیا کی طویل ترین ایکسپریس وے سُرنگ کا باضابطہ افتتاح ہوگیا ہے۔
یہ ایک اہم انفرا اسٹرکچر منصوبہ ہے جو شن جیانگ کے خودمختار علاقے میں تیان شان شینگلِی سرنگ کے نام سے ٹریفک کے لیے کھولی گئی ہے۔
اس کی لمبائی قریباً 22.13 کلومیٹر ہے جو چین کے شمال مغربی علاقے شن جیانگ میں تیان شان پہاڑوں میں بنائی گئی ہے۔
یہ دنیا کی سب سے طویل ایکسپریس وے ٹنل ہے جو براہِ راست شاہراہ کے نیچے سے گزرنے والی سڑک ہے۔
اس میں دو مواصلاتی سرنگیں ہیں اور ہر ایک میں دو لینیں ہیں۔ ٹنل کے ذریعے ٹریفک کی رفتار قریباً 100 کلومیٹر فی گھنٹہ رہ سکتی ہے۔
اس سے قبل سابقہ پہاڑی راستے پر کئی گھنٹے لگتے تھے، لیکن اب موٹر گاڑی صرف قریباً 20 منٹ میں پہاڑوں کو کراس کرسکتی ہے۔
یہ سُرنگ ارومکی یولی ایکسپریس وے کا حصہ ہے جو شمالی اور جنوبی شن جیانگ کے شہروں کو مضبوط رابطے میں لاتی ہے اور عوامی و تجارتی نقل و حمل میں آسانی پیدا کرتی ہے۔
