لاہور: اداکارہ وینا ملک کے سابق شوہر کا کہنا ہے کہ وینا نے انہیں لاپتا کرانے کی دھمکی دی۔
اسد خٹک نے دعویٰ کیا کہ دبئی میں میرے بچوں کے ساتھ نامعلوم افراد رہتے تھے اور میرے بچوں کو غیر قانونی طورپر پاکستان کیسے بھیجا گیا، جلد پنڈورا باکس کھولوں گا۔
خیال رہے کہ اداکارہ وینا ملک اور ان کے سابق شوہر اسد خٹک کے درمیان بچوں سے ملاقات کے حوالے سے لفظی جنگ چل رہی ہے اور گزشتہ دنوں بھی اسد خٹک نے اپنی ٹوئٹس میں اداکارہ پر الزامات لگائے تھے۔
