گلوکار بلال سعید نے دورانِ کنسرٹ مداحوں پر مائیک دے مارا

لاہور: گلوکار بلال سعید نے لائیو کنسرٹ کے دوران مداحوں کو مائیک دے مارا، جس کی ویڈیو سوشل میڈیا پر تیزی سے وائرل ہورہی ہے۔
سوشل میڈیا پر بلال سعید کے میوزک کنسرٹ کی ویڈیو وائرل ہورہی ہے، جس میں اُنہیں اسٹیج پر پرفارم کرتے ہوئے دیکھا جاسکتا ہے۔
ویڈیو میں سُنا جاسکتا ہے کہ بلال سعید اپنا پُرانا گانا کو کو تو میری جانا گارہے ہیں کہ اچانک وہ غصے سے بھڑک اُٹھے اور ہاتھ میں موجود مائیک کنسرٹ کے حاضرین کی جانب دے مارا۔

Bilal Saeed gets angry at a concert n throws his mic. pic.twitter.com/nQY90JgWjT

— Taimoor Zaman (@taimoorze) January 24, 2024

بلال سعید حاضرین کی جانب مائیک پھینکنے کے بعد کچھ بھی کہے بغیر غصے سے اسٹیج چھوڑ کر چلے گئے، گلوکار کو اسٹیج سے جاتا دیکھ کر حاضرین میں موجود ایک مداح کہتا ہے، پروگرام تو وڑ گیا۔
گلوکار کی یہ ویڈیو تیزی سے سوشل میڈیا پر وائرل ہورہی ہے، جہاں کچھ صارفین کا کہنا ہے کہ یہ کنسرٹ پنجاب یونیورسٹی میں ہوا تھا، لیکن اس بات کی تصدیق نہیں ہوسکی۔
دوسری جانب ابھی تک بلال سعید کے اچانک غصے کی وجہ بھی سامنے نہیں آسکی جب کہ ویڈیو پر صارفین کی جانب سے تبصروں کا سلسلہ جاری ہے۔