دوسری محبت ڈھونڈنی، مجھے اس کی تلاش ہے، ثانیہ مرزا

ممبئی: بھارتی ٹینس اسٹار ثانیہ مرزا نے کہا ہے کہ مجھے ابھی دوسری محبت ڈھونڈنی ہے۔
کامیڈی پروگرام ٗمیں شو کے میزبان نے ثانیہ مرزا کو یاد دلایا کہ شاہ رخ خان نے آپ سے ایک مرتبہ کہا تھا کہ آپ پر فلم بنی تو آپ کی محبت کا کردار وہ ادا کریں گے۔ ثانیہ مرزا نے اس پر جواب دیا کہ ابھی مجھے محبت ڈھونڈنا ہے اور مجھے محبت کی تلاش ہے۔
ثانیہ مرزا اور شعیب ملک نے 2010 میں پسند کی شادی کی تھی اور ان کا ایک بیٹا اذہان مرزا ہے۔ شعیب ملک نے 2024 میں اداکارہ ثنا جاوید سے شادی کرلی جب کہ ثانیہ مرزا کی فیملی نے دونوں کی طلاق کی تصدیق کردی تھی۔
ثانیہ مرزا کی فیملی کی جانب سے جاری بیان میں کہا گیا تھا کہ ثانیہ مرزا نے اپنی ذاتی زندگی کو عوام سے دور رکھا ہے تاہم یہ بتانا ضروری ہے کہ چند ماہ قبل انہوں نے شعیب ملک سے طلاق لے لی ہے۔ اس مشکل وقت میں ان کی پرائیویسی کا احترام کیا جائے۔