اسلام آباد: وزیراعظم عمران خان کا کہنا ہے کہ سعودیہ مشکل وقت میں ہمیشہ پاکستان کے ساتھ رہا ہے، انہوں نے 3 ارب ڈالر اسٹیٹ بینک میں رکھنے پر سعودی ولی عہد سے اظہار تشکر بھی کیا۔
وزیراعظم عمران خان نے ٹویٹر پر جاری اپنے بیان میں سعودی عرب کی جانب سے اسٹیٹ بینک میں 3 ارب ڈالر رکھے جانے پر ان کا شکریہ ادا کیا۔
وزیراعظم نے 1.2 ارب ڈالر کی ریفائن پٹرولیم مصنوعات کی فنانسنگ پر بھی محمد بن سلمان سے اظہارِ تشکر کیا۔
عمران خان کا کہنا تھا کہ سعودی عرب ہمیشہ سے مشکل وقت میں پاکستان کے ساتھ رہا ہے، بشمول سعودی عرب نے ایسے وقت پاکستان کا ساتھ دیا جب دنیا کو مہنگائی کا سامنا ہے۔