اسلام آباد: پٹرول اور ڈیزل سستا، حکومت نے پٹرولیم مصنوعات کی قیمتوں میں کمی کردی اور پٹرولیم ڈویژن کی جانب سے نوٹیفکیشن بھی جاری کردیا گیا۔
پٹرولیم ڈویژن سے جاری نوٹیفکیشن کے مطابق حکومت نے آئل اینڈ گیس ریگولیٹری اتھارٹی (اوگرا) کی سفارشات کی بنیاد پر پٹرولیم مصنوعات کی قیمتوں میں ردوبدل کردیا ہے۔
نوٹیفکیشن میں کہا گیا ہے کہ پٹرولیم مصنوعات کی نئی قیمتوں کا اطلاق یکم دسمبر 2025 سے اگلے 15 روز کے لیے ہوگا۔
حکومت نے پٹرول کی فی لیٹر قیمت میں 2 روپے کمی کردی ہے، جس کے بعد فی لیٹر پٹرول کی قیمت 265 روپے 45 پیسے سے کم ہوکر 263 روپے 45 پیسے ہوگئی ہے۔
نوٹیفکیشن کے مطابق ہائی اسپیڈ کی فی لیٹر قیمت میں 4 روپے 79 پیسے کی کمی کی گئی ہے اور ہائی اسپیڈ ڈیزل کی فی لیٹر نئی قیمت 279 روپے 65 پیسے مقرر کی گئی ہے جب کہ پرانی قیمت 284 روپے 44 پیسے فی لیٹر تھی۔
