ریاض: سعودی عرب کے اسسٹنٹ وزیر داخلہ لیفٹیننٹ جنرل سعید بن عبداللہ القحطانی وصال فرماگئے۔
سعودی وزارت داخلہ نے سماجی رابطے کے پلیٹ فارم ایکس پر جاری بیان کے ذریعے بتایا کہ اسسٹنٹ وزیر داخلہ برائے آپریشنز امور لیفٹیننٹ جنرل سعید بن عبداللہ القحطانی آج انتقال کرگئے۔
وزارت داخلہ نے مرحوم کے لواحقین سے دلی تعزیت اور ہمدردی کا اظہار کیا۔
سعودی وزیر داخلہ شہزادہ عبدالعزیز بن سعود بن نائف نے بھی سعید بن عبداللہ القحطانی کے انتقال پر افسوس کا اظہار کرتے ہوئے کہا، انہوں نے 60 برسوں تک وزارت میں مثالی انداز میں اپنی خدمات سر انجام دیں۔
لیفٹیننٹ جنرل سعید القحطانی نے کنگ فہد سیکیورٹی کالج سے گریجویشن کیا اور متعدد اہم عہدوں پر فائز رہے۔
