کراچی: پاکستانی فلم ساز محمد علی نقوی کو ایک بار پھر ایمی ایوارڈ کے لیے نامزد کرلیا گیا ہے۔
محمد علی نقوی کو اس بار یہ نامزدگی ان کی دستاویزی فلم "ٹرننگ پوائنٹ: دی بمب اینڈ دی کولڈ وار” کے ذریعے ملی، جسے بہترین تاریخی دستاویزی فلم کی کیٹیگری میں جگہ دی گئی ہے۔
محمد علی نقوی کی ایمی ایوارڈ کے لیے یہ چوتھی نامزدگی ہے۔ 2023 میں پرائم ٹائم ایمی میں نامزدگی حاصل کرنے والے وہ پہلے پاکستانی تھے۔
محمد علی نقوی نے ایمی ایوارڈ میں نامزدگی کو اپنے لیے اعزاز قرار دیتے ہوئے کہا کہ ایمی ایوارڈ کے لیے ایک بار پھر نامزد ہونا بڑا اعزاز ہے۔
ان کا کہنا تھا کہ بین الاقوامی سطح پر سرحدوں سے پار تک کہانیاں پہنچانا ایک ایسا اعزاز ہے، جسے وہ ہلکا نہیں لیتے۔
خیال رہے کہ ایمی ایوارڈ (Emmy Award) ایک معتبر امریکی ایوارڈ ہے جو ٹیلی وژن کی دنیا میں نمایاں کارکردگی پر دیا جاتا ہے، بالکل ویسے ہی جیسے فلموں کے لیے آسکر ایوارڈ اور موسیقی کے لیے گریمی ایوارڈ ہوتے ہیں۔
