لاہور: پاکستان کرکٹ بورڈ نے آئی سی سی چیمپئنز ٹرافی 2025 کے لیے 15 رکنی پاکستان کرکٹ ٹیم کا اعلان کردیا، ٹیم میں فخر زمان، خوشدل شاہ، سعود شکیل اور فہیم اشرف کی واپسی ہوئی ہے۔
سلیکٹر اسد شفیق نے چیمپئنز ٹرافی کے لیے 15 رکنی دستے کا اعلان کرتے ہوئے کہا کہ ہوم کنڈیشنز میں عمدہ کارکردگی کے حامل کرکٹرز کا سلیکشن کیا گیا ہے، فخر زمان کے اوپننگ پارٹنر بابراعظم یا سعود شکیل ہوسکتے ہیں۔
انہوں نے کہا کہ ہمیں اندازہ ہے کہ صائم ایوب کے لیے چیمپئنز ٹرافی نہ کھیلنا کتنا تکلیف دہ ہے لیکن ہم جلدبازی میں کوئی بھی فیصلہ نہیں کرنا چاہتے۔
چیمپئنز ٹرافی کے لیے اعلان کردہ 15 کھلاڑیوں میں محمد رضوان (کپتان)، سلمان آغا (نائب کپتان)، بابراعظم، فخر زمان، کامران غلام، سعود شکیل، طیب طاہر، خوشدل شاہ، فہیم اشرف، عثمان خان، ابرار احمد، حارث رؤف، محمد حسنین، نسیم شاہ اور شاہین شاہ آفریدی شامل ہیں۔
