واشنگٹن: امریکی ریاست وسکونسن میں ایک عجیب و غریب واقعہ پیش آیا، جہاں 60 سال سے لاپتا خاتون آڈری بیکبرگ کو ڈھونڈ نکالا گیا، تاہم خاتون کی خواہش پر اُن کی شناخت کو پوشیدہ رکھنے کا فیصلہ کیا گیا۔
آڈری بیکبرگ 1962 میں ریڈزبرگ، وسکونسن سے 20 سال کی عمر میں گھر سے نکلی تھیں اور غائب ہوگئی تھیں۔
مبینہ طور پر زبردستی شادی اور گھریلو تشدد کی وجہ سے انہوں نے خود فیصلہ کیا کہ وہ گھر چھوڑ دیں، پولیس میں ان کی ضرب و تشدد کی شکایات درج تھیں۔
جنوری 2025 میں تفتیش کار آئزک ہینسن نے کیس کو دوبارہ کھولا، دستاویزات ڈیجیٹل کیں اور متعلقہ افراد سے انٹرویو کیا۔ انہوں نے Ancestry.com سے حاصل خاندانی ڈیٹا کے ذریعے ممکنہ پتے کی شناخت کی۔
ایک متعلقہ علاقے کے ڈپٹی کو بھیجا گیا اور خاتون کا پتا لگالیا گیا۔ 10 منٹ بعد ہی آڈری نے ہینسن سے 45 منٹ گفتگو کی، جس میں انہوں نے اپنی شناخت کی تصدیق کی اور بتایا کہ وہ اب خوش ہیں اور کوئی پچھتاوا نہیں۔
آڈری نے خود کی پہچان خوشحال زندگی کے لیے پوشیدہ رکھنے کا فیصلہ کیا۔ انہوں نے موجودہ مقام کو راز میں رکھنے کی خواہش ظاہر کی اور پولیس نے اسے تسلیم کرلیا۔
