اسلام آباد: پاکستان میں پٹرولیم مصنوعات کی قیمتوں میں آئندہ 15 روز کے لیے بڑی کمی متوقع ہے۔
بین الاقوامی مارکیٹ اور پٹرول پر درآمدی پریمیئم میں معمولی کمی کی وجہ سے پٹرولیم مصنوعات سستی ہوسکتی ہیں۔
پٹرول اور ڈیزل کی قیمتوں میں بالترتیب 3.5 اور 7 روپے فی لیٹر کی کمی کا امکان ہے۔
ذرائع کا کہنا ہے کہ موجودہ ٹیکس کی شرح کی بنیاد پر 15 مئی کو ہونے والے حتمی حساب سے پٹرول کی ایکس ڈپو قیمت میں قریباً 3.5 روپے کی کمی کا تخمینہ ہے جب کہ ہائی اسپیڈ ڈیزل میں 7 روپے فی لیٹر کمی کی جا سکتی ہے۔
پٹرول کی قیمت میں کمی کا تخمینہ پچھلے دو ہفتوں کے دوران پیٹرول کی بین الاقوامی قیمت میں قریباً 1.5 ڈالر فی بیرل اور ڈیزل میں قریباً 3 ڈالر فی بیرل کمی سے لگایا گیا۔
ایکس ڈپو پٹرول کی موجودہ قیمت 252.63 روپے فی لیٹر ہے۔