نئی دہلی: بھارتی سیاسی رہنماؤں اور صحافیوں نے گزشتہ روز نئی دہلی میں ہونے والے دھماکے کو حکمران جماعت بی جے پی اور مودی کا انتخابی فالس فلیگ آپریشن قرار دے دیا۔
سفاک مودی سرکار کی نئی دہلی دھماکے کو لے کر فالس فلیگ پاکستان مخالف پروپیگنڈا مہم مکمل طور پر ناکام ہوگئی۔
بھارتی صحافی شالنی شکلا نے کہا کہ جب بھی بی جے پی بحران میں آتی ہے نیا ڈرامہ رچایا جاتا ہے، دہشت گردی یا دھماکے پر پاکستان کو مورد الزام ٹھہرا دیا جاتا ہے۔
دھیان رہے کہ بھارتی ریاست بہار میں انتخابات کا دوسرا مرحلہ جاری ہے اور بھارتی میڈیا رپورٹس میں بتایا جارہا ہے کہ بہار کے انتخابات میں بی جے پی سرکار کڑے امتحان سے کم نہیں۔
صحافی روی نیر نے لکھا بہار الیکشن میں بی جے پی کمزور پوزیشن پر ہے، مزید دھماکوں کی توقع ہے جب کہ آسام سے کانگریس سے رکن پارلیمنٹ پردیوت بوردولوی نے کہا یہ بہار انتخابات سے پہلے کا متوقع سیاسی اقدام تھا۔
سوشل میڈیا صارفین کی جانب سے بی جے پی پر سیاسی مفاد کے لیے فالس فلیگ آپریشنز کے الزامات عائد کیے جارہے ہیں جبکہ سابق آر ایس ایس رہنما یشونت شنڈے کے عدالتی حلفیہ بیان کا حوالہ دوبارہ زیربحث ہے۔
بھارتی صحافی نے کہا کہ احتجاج کے لیے بی جے پی حکومت کا نئی دہلی میں شہریوں پر بم گرانا دہشت گردی ہے۔
دی ٹریبیون انڈیا نے لکھا، ایک اعلیٰ بھارتی پولیس افسر کے مطابق ابتدائی شواہد اس مفروضے کی تردید کرتے ہیں کہ گاڑی میں ہونے والا حملہ کوئی خودکُش حملہ تھا۔
اخبار نے لکھا، نئی دہلی پولیس نے مقبوضہ کشمیر اور فریدآباد برآمد اسلحے سے جوڑنے سے گریز کیا ہے۔
