کراچی میں جولائی کے آخری ایام میں بارشوں کی پیش گوئی
![](https://urdu.voiceofsindh.com.pk/wp-content/uploads/2024/07/Rain-in-Karachi.jpg)
کراچی: کراچی میں رواں ماہ کے آخری دنوں میں بارش کی پیش گوئی کردی گئی، موسمیاتی تجزیہ کار جواد میمن کا کہنا ہے کہ کراچی میں 29 یا 30 جولائی سے بارش کا آغاز ہوسکتا ہے۔
موسمیاتی تجزیہ کار جواد میمن کے مطابق راجستھان کے قریب آنے پر ہوا کے کم دباؤ کی شدت بڑھ سکتی ہے، جس کے تحت سندھ میں جولائی کے آخری دنوں میں بارشوں کا امکان ہے۔
جواد میمن نے بتایا کہ کراچی میں 29 یا 30 جولائی سے بارش کا آغاز ہوسکتا ہے، بارش کا سلسلہ وقفے وقفے سے 2 یا 3 اگست تک جاری رہ سکتا ہے۔
موسمیاتی تجزیہ کار کے مطابق کراچی میں معتدل شدت اور کہیں کہیں تیز بارش کا امکان رہے گا جب کہ 6 یا 7 اگست کو ایک اور ہوا کا کم دباؤ خلیج بنگال میں بن سکتا ہے۔