روم: پوپ فرانسس کے نام پر بھیجے گئے لفافے میں سے پستول کی 3 گولیاں برآمد ہونے پر سیکیورٹی حکام نے لفافے کو فوری طور پر ضبط کرلیا۔
تفصیلات کے مطابق پوپ فرانسس کے نام پر بھیجے گئے لفافے میں سے پستول کی 3 گولیاں برآمد ہوئی ہیں۔
اس حوالے سے موصولہ اطلاعات کے مطابق اطالوی شہر میلان سے پوپ فرانسس کے نام پر ان کی رہائش گاہ کے پتے پر نامعلوم افراد کی جانب سے لفافہ میل باکس میں رکھا گیا، جس میں سے پستول کی تین گولیاں نکلیں، واقعے کی اطلاع ڈاکیے نے میل باکس کی تلاشی کے دوران دی۔
سیکیورٹی حکام نے اس لفافے کو فوری طور پر ضبط کرلیا، اس معاملے کی تحقیقات شروع کردی گئی ہے۔
