کراچی: پاکستان میں عیدالاضحیٰ 7 جون کو ہونے کی پیش گوئی کی گئی ہے۔
ماہرین فلکیات نے پاکستان میں ذوالحج کا چاند نظر آنے سے متعلق پیش گوئی کردی۔
ماہر فلکیات ڈاکٹر فہیم ہاشمی کا کہنا ہے کہ 27 مئی کو پاکستان میں نیا چاند نظر آنے کا امکان نہیں ہے، کیونکہ 27 مئی کو غروب آفتاب کے وقت چاند کی عمر 11 گھنٹے ہوگی۔
ماہر فلکیات نے 28 مئی کو ذوالحج کا چاند نظر آنے کی پیش گوئی کی ہے اور اس لحاظ سے پاکستان میں عیدالاضحیٰ 7 جون بروز ہفتہ ہونے کے قوی امکانات ہیں۔
انہوں نے بتایا کہ 28 مئی کو چاند کی عمر 35 گھنٹے سے زائد ہوگی۔