واشنگٹن: کورونا وبا نے امریکا میں حشر سامانیاں بپا کر رکھی ہیں، جہاں مزید 3 ہزار 4 سو افراد وائرس سے ہلاک ہوگئے۔
امریکا میں کورونا سے ہونے والی اموات کی تعداد 3 لاکھ 54 ہزار سے تجاوز کرگئی جب کہ مزید سوا 2 لاکھ کیسز سامنے آنے سے مجموعی کیسز 2 کروڑ 44 لاکھ سے زیادہ ہوگئے ہیں۔
دوسری جانب برطانیہ میں بھی کورونا کی صورت حال انتہائی خراب ہے جہاں مزید 964 نئی اموات اور ریکارڈ 56 ہزار کیسز سامنے آئے ہیں، جس کے بعد برطانیہ میں اموات کی تعداد 73 ہزار 500 سے زائد اور کیسز قریباً 25 لاکھ تک جاپہنچے ہیں۔
ماہرین نے برطانیہ میں صورت حال مزید خراب ہونے کا خدشہ ظاہر کیا ہے۔
علاوہ ازیں عالمی ادارۂ صحت نے فائزر بائیو این ٹیک ویکسین کے ہنگامی استعمال کی توثیق کردی ہے۔
