لندن: دنیا میں کورونا وائرس کے سدباب کی پہلی ویکسین 90 سالہ خاتون کو لگادی گئی۔
برطانیہ میں آج سے کورونا ویکسی نیشن پروگرام کا آغاز کردیا گیا، جس کے تحت دنیا میں کورونا وائرس کی پہلی ویکسین 90 سالہ خاتون کو لگائی گئی ہے۔
برطانوی میڈیا کے مطابق کورونا وائرس کی پہلی ویکسین شمالی آئرلینڈ کی 90 سالہ خاتون مارگریٹ کینان کو لگائی گئی ہے۔
90 سالہ خاتون مارگریٹ کینان کو فائزر اور بایو این ٹیک کی کورونا ویکسین لگائی گئی ہے۔
خیال رہے کہ امریکی اور جرمن دواساز کمپنیوں کا دعویٰ ہے کہ ان کی کورونا ویکسین کسی بھی نقصان کے بغیر 95 فیصد مؤثر ہے جب کہ برطانیہ نے گزشتہ ہفتے ویکسین کے وسیع پیمانے پر استعمال کی اجازت دی تھی۔
