لندن: انگلینڈ میں ارب پتی مسلمان بھائیوں کوعالی شان مسجد بنانے کی اجازت مل گئی جو 5 ملین پاؤنڈز کی لاگت سے تیار ہوگی۔
اطلاعات کے مطابق بلیک برن کے علاقے میں 2 ارب پتی مسلمان بھائیوں کوعالی شان مسجد بنانے کی اجازت مل گئی جو 5 ملین پاؤنڈز کی لاگت سے تیار ہوگی۔
انتظامیہ کی جانب سے مسجد کے میناروں سے آنے والی آوازوں سمیت 21 اعتراضات کو حل کرنے کے بعد مسلمان بھائیوں کے ادارے عیسیٰ فاؤنڈیشن کو یہ اجازت ملی ہے۔
عیسیٰ فاؤنڈیشن نے مسجد کے قریب پارکنگ بنانے سمیت حفاظتی انتظامات کے لیے 30 ہزار پاؤنڈ دینے کا بھی وعدہ کیا ہے۔
کونسل کے سربراہ نے کہا کہ مسجد تیارہونے کے بعد بلیک برن کی جدید شکل ہوجائے گی جس سے سب کو ایسا ضرور لگے گا کہ یہ شہر مخلتف کمیونٹیز کے رہنے والوں کا مسکن ہے۔
