چمن: پاکستان کی جانب سے پاک افغان سرحد باب دوستی کو کھول دیا گیا۔
نجی ٹی وی کے مطابق 6 اگست کو پاکستان کی جانب سے پاک افغان سرحد کو سیل کردیا گیا تھا اور ہر طرح کی پیدل آمدورفت اور تجارتی سرگرمیاں معطل کردی گئی تھیں، تاہم آج 7 روز کی بندش کے بعد پاکستان کی جانب سے باب دوستی کو کھول دیا گیا ہے۔
سیکیورٹی حکام کا کہنا ہے کہ پاک افغان سرحد باب دوستی کو کھول دیا گیا ہے اور پاکستان میں پھنسے افغان شہری اپنے ملک روانہ ہونا شروع ہوگئے ہیں جب کہ پیدل آمدورفت کے ساتھ تجارتی سرگرمیاں بھی بحال کردی گئی ہیں۔
