اسلام آباد: عارف حبیب کنسورشیم نے پی آئی اے کو 135 ارب روپے میں خرید لیا ہے۔
عارف حبیب کنسورشیم نے قومی ایئرلائن کی نجکاری کے لیے بولی کے تیسرے مرحلے میں 135 ارب روپے کی بولی لگائی اور پی آئی اے کے 75 فیصد شیئرز خریدنے میں کامیابی حاصل کی۔
مشیر نجکاری کمیشن محمد علی کا کہنا ہے کہ قومی ایئرلائن کی نجکاری اصلاحاتی ایجنڈے کا حصہ ہے، حکومت کا مقصد قومی ایئرلائن کوبیچنا نہیں بلکہ اسے پاؤں پر کھڑا کرنا ہے، قومی ایئرلائن کی نج کاری سے ملک میں سرمایہ کاری آئے گی۔
مشیر نج کاری کمیشن کے مطابق حکومت چاہتی ہے قومی ایئرلائن ماضی کی طرح بہتر ہو، قومی ایئرلائن کے 75 فیصد شیئرز کی آج بولی ہوئی، بولی سے حاصل رقم کا 92.5 فیصد حصہ قومی ایئرلائن کی بہتری پر خرچ ہوگا۔
