کراچی: معروف ٹی وی میزبان اور قومی اسمبلی کے رکن عامر لیاقت حسین ٹیلی فلم ’’بس کورونا‘‘ کے ذریعے اداکاری کے میدان میں انٹری دینے جارہے ہیں۔
عامر لیاقت نے گزشتہ روز اپنے انسٹاگرام اکاؤنٹ پر ایک تصویر شیئر کراتے ہوئے کہا تھا کہ وہ اس وقت مزاحیہ ٹیلی فلم ’’بس کورونا‘‘ کے سیٹ پر موجود ہیں۔ اس کے ساتھ ہی انہوں نے کہا تھا کہ یہ ٹیلی فلم ایک نجی ٹی وی پر پیش کی جائے گی۔
عامر لیاقت کی جانب سے یہ پوسٹ شیئر کرائے جانے پر مختلف سوشل میڈیا اکاؤنٹس پر یہ تصویر ری شیئر کراتے ہوئے کہا گیا کہ عامر لیاقت ٹیلی فلم ’’بس کورونا‘‘ کے ذریعے اداکاری کے میدان میں قدم رکھنے جارہے ہیں۔
خیال رہے کہ حال ہی میں عامر لیاقت کی اہلیہ طوبیٰ عامر نے بھی ڈراما سیریل ’’بھڑاس‘‘ کے ذریعے اداکاری کے میدان میں قدم رکھا ہے۔ سوشل میڈیا پر ان کی اداکاری کی تعریف کی جارہی ہے، اس کے علاوہ طوبیٰ عامر کے مختلف فوٹوشوٹس بھی وائرل ہوئے ہیں۔
