کراچی: ٹی وی اور فلموں کی مقبول اداکارہ سونیا حسین نے اپنی نئی فلم کی پہلی جھلک شیئر کردی۔
اداکارہ سونیا حسین نے اپنے سوشل میڈیا اکاؤنٹ پر نئی فلم کی جھلک شیئر کرتے ہوئے بتایا کہ وہ اپنی فلم ’دادل‘ میں لیاری کی مشہور اور نڈر باکسر حیا بلوچ کا کردار ادا کرنے والی ہیں۔
پوسٹ کے کیپشن میں سونیا حسین نے لکھا کہ ’میں محض خوف کے خلاف مزاحمت نہیں کرتی، میں وہ باہمت خاتون ہوں جس کا زندگی نے شاید کبھی تصور بھی کیا ہو، میں حیا بلوچ ہوں۔
انہوں نے دعاؤں کی اپیل کرتے ہوئے مزید لکھا کہ گینگسٹر کرائم تھرلر فلم ”دادل“ سے اپنی پہلی جھلک کی نقاب کشائی کررہی ہوں، میرا کردار لیاری سے تعلق رکھنے والی باہمت اور حقیقی فائٹر کی عکاسی کررہا ہے۔
حیا بلوچ کی زندگی پر فلمائی گئی یہ فلم آئندہ سال عیدالفطر کے موقع پر ریلیز کی جائے گی جس میں سونیا حسین کے ہمراہ محسن عباس حیدر اداکاری کے جوہر دکھاتے نظر آئیں گے۔