کراچی: کئی پاکستانی ڈراموں میں اپنی اداکاری کا جادو دکھانے والی اداکارہ سعدیہ غفار اور اداکار حسن حیات خان کے ہاں ننھے مہمان کی آمد ہوئی ہے۔
سعدیہ غفار نے گزشتہ روز انسٹاگرام پر اپنی بیٹی کے ساتھ نومولود بیٹے کی دلکش تصاویر شیئر کی اور بتایا کہ اب وہ اور حسن ایک بیٹے کے بھی والدین بن چکے ہیں۔
اداکارہ نے اپنی پوسٹ میں بتایا کہ انہوں نے بیٹے کا نام Zidane Hayat Khan رکھا ہے۔
واضح رہے کہ سعدیہ غفار اپنے شوہر حسن حیات اور بیٹی ریا کے ساتھ کیلی فورنیا میں مقیم ہیں۔
شادی کے بعد سعدیہ غفار نے اداکاری نہیں کی، البتہ انہوں نے اداکاری کو خیرباد بھی نہیں کہا۔
دھیان رہے کہ حسن حیات اور سعدیہ غفار کی شادی مارچ 2020 میں ہوئی تھی۔
