کراچی: پاکستانی ڈرامے کبھی میں کبھی تم سے شہرت کی بلندی پر پہنچنے والی اداکارہ نعیمہ بٹ نے بھارتی ڈراموں اور او ٹی ٹی ویب سیریز کی آفرز ملنے کا انکشاف کیا ہے۔
انڈسٹری میں نعیمہ بٹ نہ صرف اپنی اداکاری بلکہ لمبے بالوں کی وجہ سے بھی کافی مشہور ہیں۔
حال ہی میں نعیمہ بٹ نے انکشاف کیا کہ ماضی میں انہیں بھارتی پروجیکٹس میں کام کرنے کی آفرز ہوئی ہیں، انہیں ڈرامہ کے ساتھ او ٹی ٹی پلیٹ فارم پر ویب سیریز کی بھی پیشکش ہوچکی ہے۔
انہوں نے کہا کہ ویزے کے مسائل کی وجہ سے ان پر کچھ عمل درآمد نہ ہوسکا۔
نعیمہ کا کہنا تھا کہ میرے پاس پاکستانی پاسپورٹ ہے لیکن میں امریکا کی گرین کارڈ ہولڈر بھی ہوں، امید کرتے ہیں کہ حالات بہتر ہوجائیں گے اور سرحد پار فنکاروں کے ساتھ مل کر کام کریں گے۔