کراچی: پاکستان شوبز کی خوبرو اور صف اول کی اداکارہ ہانیہ عامر کو ان کے حالیہ فوٹو شوٹ پر شدید تنقید کا سامنا کرنا پڑرہا ہے۔
اداکارہ نے حال ہی میں اپنی سالگرہ کے موقع پر بولڈ فوٹو شوٹ کروایا ہے جس میں وہ ایک مرمیڈ کی طرح پانی میں ادائیں دکھاتی نظر آرہی ہیں۔ ہانیہ پہلی بار انسٹاگرام پر اپنے جرأت مندانہ انداز کو دکھانے آئی تھیں، لیکن مداحوں کو یہ بالکل پسند نہ آیا اور انہوں نے اداکارہ کو آڑے ہاتھوں لیتے ہوئے شدید تنقید کے نشتر برسادیے۔
بہت سے لوگوں نے اسے اخلاقیات کے خلاف قرار دیتے ہوئے تبصرے کیے اور کہا کہ اداکارہ کو انسٹاگرام پر سے یہ پوسٹ ہٹادینا چاہیے۔
تصاویر میں دیکھا جاسکتا ہے کہ ہانیہ عامر سوئمنگ پول میں ایک چمک دار پلاسٹک جیسا لباس پہنی ہوئی ہیں، تاہم اس لباس سے ان کا پورا جسم جھلک رہا ہے۔
تبصروں میں کچھ سوشل میڈیا صارفین نے یہ بھی کہا کہ یہ بولڈ انداز اداکارہ کی جانب سے بولی وُڈ ڈیبیو کے لیے سستی پبلسٹی حاصل کرنے کا ایک طریقہ ہے۔
