چنائے: ہاتھیوں کے غول نے اسکول پر حملہ کرکے عمارت کو تہس نہس کر ڈالا۔
بھارتی میڈیا کے مطابق یہ واقعہ بھارتی ریاست تامل ناڈو میں پیش آیا، جہاں سرکاری اسکول میں ہاتھیوں کے غول نے حملہ کردیا۔
میڈیا رپورٹس کے مطابق ہاتھیوں کے غول نے اسکول میں داخل ہوتے ہی حملہ کیا اور اپنی پوری طاقت سے اسکول میں توڑ پھوڑ کرکے عمارت کو نقصان پہنچایا۔
ہاتھیوں کے جھنڈ نے اسکول میں لگے درختوں کو بھی جڑ سے اکھاڑ پھینکا، لیکن خوش قسمتی سے اسکول میں موجود کسی بھی شخص کو نقصان نہیں پہنچا۔
اسکول میں ہاتھیوں کی توڑ پھوڑ اور نقصان کا تخمینہ لگانے کے لیے سرکاری ٹیم نے اسکول کا دورہ بھی کیا جب کہ ہاتھیوں کے غول کی اسکول پر یلغار کی وجہ معلوم نہ ہوسکی۔