کراچی: شہر قائد میں منوڑہ کے قریب سمندر میں کشتی ڈوب گئی، 10 مسافر سوار تھے۔ 6 کو ریسکیو کرلیا گیا جب کہ چار مسافروں کی تلاش جاری ہے۔
رپورٹ کے مطابق حکام نے وزیراعلیٰ سندھ کو بریفنگ میں بتایا کہ چائنہ پورٹ کے قریب بحری جہاز کشتی سے ٹکرانے سے حادثہ پیش آیا، کشتی میں 10 افراد سوار تھے، 6 مسافروں کو بچایا گیا ہے جب کہ 4 کی تلاش جاری ہے۔
وزیراعلیٰ سندھ سید مراد علی شاہ نے منوڑہ کے قریب سمندر میں کشتی ڈوبے پر اظہار افسوس کیا اور کہا کہ ریسکیو آپریشن تیز کیا جائے ور انسانی جانیں بچائی جائیں۔
وزیراعلیٰ سندھ مُراد علی شاہ نے ڈی سی کیماڑی کو ہدایت دی کہ آپریشن کی نگرانی کے لیے اپنی ٹیم بھیجیں۔
