کراچی: سب سے زیادہ کھائی جانے والی سبزی آلو ہے۔ تاہم، گھر میں عام جگہوں پر رکھے جانے پر وہ خراب اور نرم ہونا شروع ہوجاتے ہیں۔
ایک صارف نے سوشل میڈیا پر آلو کو ذخیرہ کرنے کے بارے میں تجاویز طلب کی تھیں اور اسے بہت ساری تجاویز ملیں، جس میں ایک نے کہا کہ اس کا طریقہ آلو کو پانچ ماہ تک تازہ رکھتا ہے۔
آلوؤں کے تیزی سے خراب ہونے سے تنگ سیلی کیلر نے صارفین سے پوچھا: "کیا آلو کو زیادہ دیر تک تازہ رکھنے کا کوئی طریقہ ہے؟ ایسا لگتا ہے کہ میں انہیں ایک ہفتے سے زیادہ تازہ نہیں رکھ سکتی۔”
کیٹر گونزالز نامی صارف نے لکھا: ’’میں ہمیشہ اپنے آلو کو فریج میں رکھتی ہوں کیونکہ جب بھی میں انہیں کبورڈز میں رکھتی ہوں تو وہ ہمیشہ خراب ہوتے ہیں۔‘‘
ایک اور صارف سیابیلا میتھیو نے تبصرہ کیا: "میں نے بھی آلوؤں کو فریج کے اندر رکھا اور وہ کئی مہینوں تک صحیح رہے، کبھی کوئی مسئلہ نہیں ہوا۔”
کارمین لیوا نے کہا، "میں ہمیشہ آلوؤں کو ریفریجریٹر میں رکھتی ہوں۔ وہ آخری بار پانچ ماہ تک صحیح رہے تھے۔”
بہت سے صارفین کی جانب سے آلو کو فریج میں رکھنے کی تجاویز کے باوجود، کچھ لوگوں نے خدشہ ظاہر کیا کہ آیا یہ ذخیرہ کرنے کا طریقہ محفوظ ہے یا نہیں۔
اگرچہ پرانی تجاویز آلوؤں کو ٹھنڈی، خشک اور تاریک جگہ جیسے الماری میں ذخیرہ کرنے کی تھیں تاہم غذائیت کے ماہرین اب یہ مشورہ دے رہے ہیں کہ "انہیں پانچ ڈگری سینٹی گریڈ سے کم درجہ حرارت پر فریج میں رکھنا چاہیے۔